×
468.9
485.64
7.7
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.9
485.64
7.7

Кибербуллинг туралы заң: Айдос Сарым петиция авторларына «кеңес» берді

20.04.2022, 14:12
Фото: Ашық дереккөзден

Мәжіліс депутаты Айдос Сарым Мәжіліс кулуарында бүгін «кейбір заңнамалық актілерге баланың құқықтарын қорғау, білім беру, ақпарат және ақпараттандыру мәселелері бойынша өзгерістер мен толықтырулар енгізу туралы» заң жобасы жайлы сұраққа жауап берді. Ulysmedia.kz тілшісі депутаттан жаңадан құрылатын сарапшылар тобына осы құжатқа қарсы петиция жазған қоғам белсенділерін енгізу жайлы пікірін сұрады.

«Сарым-Зәкиева түзетулері» аталып кеткен бала құқығын қорғау жөніндегі заң жобасы (Сенаттың түзетуімен) бүгін Мәжілісте мақұлданып, Президентке қол қоюға жолданды. Ендігі кезекте кибербуллинг белгілерін анықтайтын әрі оларға нақты баға беретін сарапшылар комиссиясы құрылатын болды. Осы комиссияға заң жобасына қарсы петиция ұйымдастырған қоғам белсенділері кіруі керек пе?

«Оның тәртібімен үкімет жағы, министрлік айналысады. Меніңше, петиция жазған азаматтар өз аяғымен министрлікке баруы керек сияқты. «Мінекей, біз осындай позицияда болдық, осындай заң жұмысына араласып едік» деп балама пікірлі азаматтарымыз болса... Ішінде қанша адамның болатынын білмеймін. Осы заңның оппоненті болсам, осы сараптама тобының жартысы біздің азаматтардан құралсын деп талап қояр едім», - деді Айдос Сарым Мәжіліс кулуарында.

Еске сала кетсек, өткен аптада Сенат «Сарым-Зәкиева түзетулерін» Мәжіліске қайтарған болатын. Бүгін Мәжілістің мақұлдауынан кейін заң жобасы бірден президенттің қол қоюына жолданады.