×
476.89
462.2
8.31
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.89
462.2
8.31

Жұмағұлов: Министр ренжімесін, бірақ 25 жылдық өтілі бар мұғалімді аттестаттауға мен де қарсымын

21.04.2022, 12:02

Білім және ғылым министрлігін бұрын басқарған Бақытжан Жұмағұлов бүгін де мұғалімдер көбірек көтеріп жүрген мәселе жөнінде пікірін айтты. Оның сөзіне қарағанда 25 жылдық өтілі бар мұғалімді аттестаттаудан өткізудің қажеті жоқ. Бұрынғы министр – бүгінгі сенаторға бұл сұрақты Сенат кулуарында Ulysmedia.kz порталының тілшісі қойды.

Айта кетсек бұған дейін зейнетке аз уақыт қана қалған мұғалімдер «не үшін аттесттаттаудан өтуіміз керек?» деп өкпесін әлеуметтік желілерге жазған болатын. Алайда министр аттестаттау бәрібір керектігін осы сейсенбіде үкіметте мәлім еткен. Оның айтуынша, мәселен 10 жыл бойы бір мұғалім 5-6 сыныпқа сабақ беріп келіп, 10 жылдан кейін 8-9 сыныпқа сабақ беруі мүмкін. Сол себепті ол жоғары сыныптардың бағдарламасын меңгеруі керек.

«Міне, сондықтан мұғалімнен өз пәнінен біліктілігін талап ету, сабақ беру әдістемесін білуін талап ету – қоғам тарапынан да, министрлік тарапынан орынды», - деген еді ол.

Бұрынғы министр Бақытжан Жұмағұлов бұл сұраққа жауабында алдымен мұғалім ретінде еңбек жолын бастағанына жарты ғасыр болғанын бастады.

«Мұғалімді біз сыйлауымыз керек. Дәрігерлерді де. Мен білім министрі болып, әлемді аралап жүріп, Қазақстанның мұғалімдері мен дәрігерлері ешкімнен кем емес екеніне көзім жеткен. Аттестаттау керек! Мұғалімдер өз қабілетін көтеріп отыруы тиіс. Бірақ дегенмен министр ренжімейді деп ойлаймын, 25 жыл өтілі бар мұғалімдерге ешқандай аттестаттауды қоймас едім. Неге десеңіз, мектептің бағдарламасын жақсы білемін. 25 жылдың ішінде мектепте берілетін пәндерді өзгеріп кетпейтініне күмәнім жоқ», - дейді ол.

Алайда сенатар информатика немесе жаңа тарих секілді пәндерге бәлкім шынында да аттестаттау керек болуы мүмкін.

«Жалпы меніңше, 25 жыл өтілі бар мұғалімдерге аттестаттаудың керегі жоқ шығар», - деп түйді сөзін Бақытжан Жұмағұлов.