×
476.89
462.2
8.31
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.89
462.2
8.31

Солтүстік өңірлерді 2025 жылға дейін газдандыру мүмкін болмай бара жатыр

21.04.2022, 12:09
Фото: Ашық дереккөзден

Бұл мәселені бүгін сенаторлар көтерді. Олардың айтуынша, «Сарыарқа» магистральдық газ құбыры құрылысының баяу жүріп жатқанын ескере келгенде бұрын жоспарланғандай 2025 жылға қарай солтүстік өңірлерді газдандыруды аяқтау мүмкін болмайды, деп хабарлайды Ulysmedia.kz порталы.

«Бүгінгі таңда газдың болмауы инвестиция тарту, жаңа өндіріс ашу, халықты жұмыспен қамту және жалпы ел экономикасы мен өңірлерді дамыту үшін басты тежеуші факторлардың бірі болып табылады. Сондықтан, қазіргі жағдайды ескере отырып, өңірлерді газдандыруда экономикалық және ұлттық қауіпсіздікті қамтамасыз ететін ең қолайлы нұсқаны қарастыру ұсынылады», - деді Ерік депутат Сұлтанов.

Сенатор осыған байланысты министрлер кабинетінің басшысына газ саласын дамытудың 2030 жылға дейінгі кешенді жоспарын бекітуді жеделдетуді ұсынды және онда осы мәселелердің бәрі көрініс табуы тиіс екенін айтты. Ресурс базасын толықтыру үшін жер қойнауын пайдаланушыларды жаңа газ жобасын іске асыруға ынталандыру шараларын әзірлеуді ұсынды. Газға баға белгілеу процесінің ашықтығы мен өңірлерді газдандыру жөніндегі бүгінгі күннің ахуалына сәйкес келетін жаңа жоспар құру да маңызды екенін айтты.