×
449.58
486.94
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
449.58
486.94
4.86

Демократия үшін күрес: жарты миллион израильдік сот реформасына қарсы демонстрацияға шықты

12.03.2023, 18:25
Ашық дереккөз

11 наурыз күні кешке Израильде 500 мыңнан астам адам шеруге шықты. Бұл туралы The Times of Israel басылымына сілтеме жасап Ulysmedia.kz хабарлайды.

Израиль азаматтары Беньямин Нетаньяху үкіметі мен оның ұсынған сот реформасы жобасына қарсы. Алдағы реформа сот жүйесіне мемлекеттік бақылауды күшейтуді көздейді. Осылайша, Әділет министрлігінің басшысы мемлекеттік тапсырыстарға қатысты барлық мәселелер бойынша Жоғарғы Соттың өкілеттіктерін қысқартуды, сондай-ақ министрлер кабинетіне судьяларды таңдауды бақылау құқығын беруді ұсынды.

Мұндай заң жобасына қарсы шерулер 10 аптадан бері жалғасып жатыр. 11 наурызда бүкіл Израильде жарты миллионнан астам адам митингіге қатысты, тек Тель-Авивте журналистер 200 мыңға жуық демонстрант бар екенін хабарлады.

«Бұл - Израиль демократиясын жоюға тырысатындардан қорғану үшін күрестегі ең маңызды апталардың бірі. Жүрегінде Тәуелсіздік Декларациясы бар әрбір израильдік осы бейсенбіде Израиль мемлекетін қорғау үшін күш пен батылдық көрсетіп, алаңға шығуы керек», - делінген ұйымдастырушылар мәлімдемесінде.

Ұйымдастырушылар егер үкімет өз заң жобасын тоқтатпаса, митингті күшейтетінін айтты.

Серіктес жаңалықтары