×
479.39
457.43
8.21
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
479.39
457.43
8.21

Маман жоқ, медқұрал тапшы: Аудандық ауруханалар медпункттерге айналып бара жатыр

25.04.2022, 11:00
Фото: Ашық дереккөзден

Мәжілісмен Екатерина Смышляева халқы аз ауылдардың мәселесін көтеріп, шағын жинақты ауыл ауруханаларына тіркелген азаматтардың медицина қызметтеріне қол жеткізе алмай отырғанын мәлімдеді, деп хабарлайды Ulysmedia.kz.

«Ауыл ел бесігі» жобасы талқыланып жатқан мәжіліс отырысында Смышляева ауыл және аудан ауруханаларының несие қарыздары көбейіп бара жатқанына алаңдаушылық білдірді.

«Олар құрылғы сатып ала алмайды. Мамандады тартуға қаражаты жоқ. Ауданға келген медицина мамандары кетіп қалады. Ақыры аудандық ауруханалар кәдімгі квалификациясы жоқ медициналық пунктерге айналып барады. Денсаулық сақтау министрлігі осы ретте шағын жинақты ауруханаларды қалай дамытуды көздеп отыр?» - деді ол.

Бұл проблеманың шынында да барын Денсаулық сақтау вице-министрі Жандос Бүркітбаев мойындады. Оның айтуынша, қазіргі уақытта ауылдарда 70 мың тарта медицина қызметкері еңбек етеді. Оның ішінде 13 мыңы дәрігер, қалғаны орта медициналы персонал.

«Бүгінгі күні проблема шынында да бар. Біз аталған мәселені шешу үшін біріншіден жергілікті атқарушы органдар Денсаулық сақтау министрлігі бөлген дәрігерлер үшін әлеуметтік пакет бөледі. Ол пакетке тұрғын үй, көтерме ақы кіреді. Иә, мәселе өте өзекті. Аталған медициналық ұйымдарды жарақтандыру жағынан сұрақтар бар. Алайда министрлік кешенді аудит жүргізіп, тиісті аумақтарды тексеріп, материалдық-техникалық қамтылуын, кадр мәселесін терең зерттейді. Осы жұмыстың қорытындысы бойынша жүйелі шешімдер қабылданады», - дейді ол.

Күмілжіп берілген жауапқа депутаттардың көңілі толмаса керек. Олар тарапынан вице-министр айтқан «жүйелі шешімдерге» не кіретіні сұралған. Жандос Бүркітбаев бұл сұраққа берген жауабында ең бірінші кезекте кадр мәселесін шешу керектігін айтады. Екіншіден, медицина ұйымдары қандай нысандар орналасуы керектігі де қаралады.

«Біз бүгінгі таңда ауылды елдімекендерді қолжетімді медицина көмегімен қамтамасыз етуіміз керек. материалдық-техникалық қамтамасыз ету жағынан иә, әр аудан бойынша нақты шаруалар атқарылады», - деді ол.