×
416.91
446.47
7.34
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
416.91
446.47
7.34

Смайылов кеден қызметін жеке меморган ретінде құрудан бас тартты

26.04.2022, 12:22
Фото: Ашық дереккөзден

Бұдан бұрын мәжіліс депутаттары кеден қызметін мемлекеттік кірістер комитетінен бөлу жөнінде бастама көтерген. Депутаттарға дәл осы өтінішпен кеден қызметінің ардагерлері шыққан екен, деп хабарлайды Ulysmedia.kz.

Жалпы кеден қызметі мемлекеттік кірістер комитетіне 2013 жылдан бері қарайды. Кеденшілер Қазақстан мен Қытайдың өзара саудасында екі жақтан екі түрлі ақпарат тарайтынын, Еуроодақ елдерінің бәрінде кеден қызметі жеке мемлекеттік орган ретінде жұмыс істейтінін алға тартқан. Алайда премьер-министр Әлихан Смайыловтың бұл бағытта өз уәжі бар болып шықты.

Үкімет басшысы депутаттарға жауабында кеден қызметі комитетке қарағалы «Астана – 1» және «Е – терезе» ақпарат технологиялары жұмысын бастағанын, кедендегі миллиондаған декларацияның 77 пайызы автоматты жасыл дәліз режимінде реттелетінін, өткізу бекеттері жаңартылып жатқанын айтады. Оның жауабына қарағанда «жалпы соңғы 3 жылда (2019-2021) салықтық және кедендік әкімшілендіруді жақсарту жөніндегі шараларды қабылдау нәтижесінде республикалық бюджетке қосымша 2,3 трлн теңге түскен».

«Бұл ретте жаңа ведомство немесе мемлекеттік орган құруға оны ұстауға, штат санының лимитін және басқа да шығыстарды ұлғайтуға байланысты мемлекеттік бюджеттен қосымша шығындар шығады. Осыған байланысты, мемлекеттік кірістер органдары дамуының қазіргі кезеңінде кеден және салық функцияларын жекелеген құрылымдық бөлімшелерге бөлу орынсыз деп санаймыз», - дейді Әлихан Смайылов.