×
425.02
450.1
7.17
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
425.02
450.1
7.17

Қазақстан Ресейге әскери санкцияларды айналып өтуге көмектеседі – Украина барлау қызметі

01.05.2022, 15:28
Фото: Ашық дереккөзден

Санкция шектеулерінен айналып өту үшін Ресей үшінші елдерді, соның ішінде Қазақстанды да тартуға тырысады. Бұл туралы Украина Қорғаныс министрлігінің Бас барлау басқармасына сілтеме жасап Ulysmedia.kz порталы хабарлайды.

Халықаралық экономикалық санкциялардың әсерінен Ресей экономикасы қазірдің өзінде айтарлықтай құлдырап барады. Әсіресе, шетелдік технологиялар мен компоненттерге тәуелді салалар зардап шеккен.

Украинаның әскери барлауының мәліметі бойынша, Мәскеу ҰҚШҰ елдерінде (Қазақстан, Армения, Беларусь, Қырғызстан, Тәжікстан және Өзбекстан) ресейлік әскери және қос мақсаттағы өнімдерге (бейбіт мақсатта пайдаланылатын тауарлар, тауарлар) құрамдас бөліктер шығаруды ұйымдастыруды жоспарлап отыр. Қаруды жасап шығару, ең алдымен шетелдік компоненттерді талап етеді. Осылайша, Ресей ҰҚШҰ-ға мүше елдерінің экономикалық тәуелділігін арттыруды көздеп отыр. Бұл Кремльдің де мүддесіне сай келеді.

Сонымен қатар Ресейдің әуе шабуылына қарсы қорғаныс құралы шығаратын ең негізгі «Ульянов механикалық зауыты» Қазақстан арқылы неміс өндірісінде шығарылатын өнімдерді алуды көздейді.

Бұған қоса, Мәскеу Грузия, Армения және Әзірбайжанмен ресейлік өнімдерді халықаралық нарыққа қайта экспорттау жөнінде келіссөздер жүргізуде. Тасымал Грузия, Армения және Әзірбайжан өнімдері түрінде жүзеге асырылып, үшінші елдерге экспортталады деп жоспарлануда. Бұл елдерде қазірдің өзінде 200-ден астам компания құрылған.