Ақтөбе облысында ауа температурасының күрт көтерілуі мен қардың қарқынды еруі салдарынан Қобды және Ойыл аудандарының елді мекендерін су басты. Бұл туралы Ulysmedia.kz хабарлайды
Төтенше жағдайлар министрлігі құтқарушылар алдын ала 400-ден астам адамды эвакуациялағанын, олардың 140-ы үйлеріне оралғанын, 70-тен астам адам уақытша эвакуациялау пункттерінде, тағы 240 адам туыстарында қалғанын мәлімдеді.
4 мыңнан астам ауыл шаруашылығы малдары қауіпсіз жерге шығарылды.
Оқиға орнына Төтенше жағдайлар министрі Юрий Ильин ұшып келді.
«Төтенше жағдайлар министрі Юрий Ильин ҚР Премьер-Министрі Әлихан Смайыловтың тапсырмасы бойынша жағдайды бағалау, елді мекендердегі су тасқынының салдарын жою жұмыстарын бақылау және үйлестіру үшін Ақтөбе облысына ұшып келді», - делінген хабарламада.
Су тасқынының салдарын жоюға облыстың Төтенше жағдайлар министрлігінің, жергілікті атқарушы органдардың, Ішкі істер министрлігінің және басқа да мүдделі құрылымдардың жеке құрамының 900-ге тарта жеке құрамы, 650 бірлік техникасы жұмылдырылған.
Еске салайық, бұған дейін Ulysmedia.kz тілшісі Батыс Қазақстан облысын су тасқыны мен сайлау даулары басып жатқанын айтқан болатын.
