×
476.89
462.2
8.31
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.89
462.2
8.31

Кеден бекетінің басшылары прокурорға 50 мың доллар пара берген

03.05.2022, 12:03

Бас прокуратура Мемлекет басшысының тапсырмасына сәйкес кеден саласында тексеру жүргізді, деп хабарлайды Ulysmedia.kz.

Қазіргі уақытта 165 миллиард теңгеге залал келтірген кедендік төлемдерден жалтару және тауарларды жалған декларациялау фактілері анықталып отыр.

Тек Қытаймен шекаралас кеден бекеттерінің өзінен жалған құжат жасаудың 367 дерегі тіркелген.

Бас Прокуратура мәліметіне сүйенсек, уәкілетті экономикалық операторлар кәсіпкерлердің салықтан жалтаруына соңғы екі жылда 221 миллиард теңгеге жалған счет-фактура жасаған. Тексерудің тек бір айында жалпы құны 800 миллион теңге контрабанданың 16 дерегі анықталыпты.

“Мысалы, "GROUP OF THE COMPANIES TDA" компаниясы 287 млн теңгенің тауарын шекарадан заңсыз өткізген. Аталмыш компанияның директоры қамауға алынды. Сондай-ақ, кеден саласындағы жұмыскерлер өз қызметін лайықты орындамаған”, – дейді Бас Прокуратураның ресми өкілі Дархан Дүйсембай.

Атап айтқанда, 27 қаңтарда "Нұр Жолы" кеден бекетінің маманы Мошқанов, "Берекет Логистик" компаниясына тиесілі декларацияланбаған тауардың салмағын заңсыз азайтып, оны 337 келі деп көрсеткен. Алайда, прокурорлар жүкті қайта тексерген кезде, тауардың салмағы 22 тонна екені анықталып отыр. Тауардың құны 127 миллион теңге. Бұдан бөлек, ақпараттық жүйелерде мәліметті заңсыз өзгерту салдарынан 9 импорттаушы бюджетке 143 миллион теңге шығын келтірген.

“Бұл іске Алматы Мемлекеттік кірістер департаменті қызметкерлерінің қатысы бар. "Нұр жолы" кеден бекетінің басшысы мен оның орынбасары прокурорға 50 мың доллар көлемінде, ал "Cargo Management" операторының өкілі 30 мың доллар көлемінде пара берген”, – дейді ресми өкіл.