×
425.02
450.1
7.17
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
425.02
450.1
7.17

9 мамырда Тоқаевтың қатысуымен жиын өтеді

03.05.2022, 15:55
Көрнекі сурет: ашық дереккөзден

ҚР Президентінің баспасөз хатшысы Руслан Желдібай Президенттің Жеңіс күні мейрамына орай өткізілетін іс-шараларға қатысуына байланысты БАҚ сауалдарына қатысты жауап берді, деп хабарлайды Ulysmedia.kz.

«БАҚ өкілдері Президенттің Жеңіс күні мейрамына орай өткізілетін іс-шараларға қатысуына байланысты сауалдарын жолдап жатыр. Биыл 9 мамыр күні Мемлекет басшысы Қасым-Жомарт Тоқаев елордадағы «Отан қорғаушылар» монументіндегі Мәңгілік алауға дәстүрлі гүл қою рәсіміне қатысуды жоспарлап отыр. Сонымен қатар Президент 6 мамырда Отан қорғаушылар күні мен Жеңіс күніне арналған салтанатты жиынға қатысады. Мемлекет басшысының тапсырмасы бойынша биыл барлық өңірде соғыс ардагерлеріне кем дегенде 1 миллион теңгеден біржолғы жәрдемақы беріліп жатыр», деді Руслан Желдібай.

Сонымен қатар ол тыл еңбеккерлері мен оларға теңестірілген азаматтарға да материалдық қолдау көрсетілетінін айтты.

«8-9 мамыр күндері облыс әкімдері деңгейінде соғыс ардагерлерімен және олардың отбасы мүшелерімен арнайы кездесулер ұйымдастырылады. Бүкіл еліміз бойынша «Ардагерлерге тағзым» қайырымдылық акциясы өтеді. Соғыс ардагерлеріне мемлекет тарапынан қажетті көмек алдағы уақытта да жүйелі түрде беріледі», деді баспасөз хатшысы.