×
425.02
450.1
7.17
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
425.02
450.1
7.17

«Самұрық-Қазына» топ-менеджерлердің жалақысын көтергісі келеді

04.05.2022, 18:30
Ulysmedia.kz

Бүгінде басшылары 700 мыңнан 1,5 млн теңгеге дейін айлық алады, деп хабарлайды Ulysmedia.kz.

«Самұрық-Қазына» басшысы Алмасадам Сәтқалиевтың айтуынша, топ-менеджерлер үшін жалақы деңгейін арттыру мәселесі Үкіметте қаралуы қажет.  Өйткені, мемлекеттік қордағы 700-ден 1,5 млн теңгеге дейінгі жалақы мардымсыз. 

«Меніңше, басшылықтағы қызметкерлер жалақысы 2016 жылдан бастап өзгерген жоқ. Біз бұл мәселеге аса назар аударғымыз келмейді,  десе де,  акционер алдында бұл мәселелер қаралады деп ойлаймын",-деді Сәтқалиев ОКҚ  өткен брифингте.

«Мәселен, біз қазір ашық конкурс арқылы рекрутинг жүргіземіз және үміткерлердің көпшілігі төлем деңгейін білген кезде біздің бос жұмыс орындарымыздан бас тартады», – деді ол.

Оның пікірінше, мемлекеттік қордағы жалақы деңгейі салаға байланысты салыстырмалы болуы керек.

"Біз қызметкерлердің тиісті уәжін орындау үшін, Қазақстандағы ірі компанияларда секілді жоғары жалақы алуға тиіспіз", – дейді ол. 

Сондай-ақ, оның айтуынша қазір топ-менеджменттің төлем деңгейі мемлекеттік қызметкерлердің деңгейімен сәйкес келеді. 

«700 мыңнан 1 миллион теңгеге дейін...Түрлі деңгейді байқап отырмыз. Кейбір компанияларда қызметкерлер 1,5 млн – ға дейін алады», - деді Сәтқалиев.

Бұған дейін Ulysmedia.kz «Самұрық-Қазына» қорының миллиардтаған қаржыны қалай жұмсап отырғаны туралы жазған еді.