×
472.14
498.39
7.65
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.14
498.39
7.65

Карин Жан-Пьер Ақ үйдің жаңа баспасөз хатшысы болды

06.05.2022, 15:14
Көрнекі сурет: ашық дереккөзден

Алғаш рет қара нәсілді және ЛГБТ қауымдастығының өкілі Ақ үйдің жаңа баспасөз хатшысы болды, деп хабарлайды Ulysmedia.kz.

АҚШ әкімшілігі Ақ үйдің қазіргі баспасөз хатшысының міндетін атқарушы Джен Псаки шамамен 13 мамырда қызметінен кететінін айтты.

«Мен Карин Жан-Пьердің Ақ үйдің келесі баспасөз хатшысы болатынын мақтанышпен хабарлаймын», – деп таныстырды АҚШ президенті Джо Байден.

Ол осы лауазымды атқарған тарихтағы алғашқы қара нәсілді американдық әйел және ЛГБТ қауымдастығының өкілі болады.

Псаки отставкаға кету мүмкіндігі туралы өткен жылдың мамыр айында мәлімдеген. Бұқаралық ақпарат құралдарының хабарлауынша, ол Peacock платформасында шоу жүргізуді бастайды және MSNBC кабельдік желісінің әртүрлі бағдарламалардағы тікелей эфирлеріне қатысады.

Псаки АҚШ-тың 44-ші президенті, демократ Барак Обаманың әкімшілігіндегі Ақ үй мен Мемлекеттік департаменттің ресми өкілі болды. Ол Ресей және Украина мәселелері бойынша жоғары деңгейдегі мәлімдемелері үшін кеңінен танымал болды.