Маңғыстау облысында 14 жастағы қыз өз әкесінен жүкті болып қалды. Бұл туралы Ulysmedia.kz хабарлайды
Полицейлер қызды түсік жасату рәсіміне анасы әкелгенін айтты. Кәмелетке толмаған бала 13-14 апталық жүкті болған.
Облыстық перинаталдық орталықтың қызметкерлері құқық қорғау органдарына жүгінді.
"Полицейлер күдіктінің жеке басын анықтап, ұстады. Ол жәбірленушінің туған әкесі екені белгілі болды. Бұл дерек ҚР Қылмыстық кодексінің 120-бабы (зорлау) бойынша тіркелді", - деп хабарлады Маңғыстау облыстық ПД.
Тергеу мүддесіне қатысты басқа мәліметтер жарияланбайды.
Еске салсақ, 15 ақпанда Солтүстік Қазақстан облысының полицейлеріне кәмелетке толмаған қызды зорлағаны туралы хабарлама келіп түскен.
8 наурызда Алматыда зорлық-зомбылыққа қарсы митинг өтті - оған қыздар мен ұлдар плакаттар мен ұрандармен келді. Олар отбасындағы зорлық-зомбылықты қылмыстық жауапкершілікке тартуды және зорлағандарға жазаны күшейтуді талап етті.
