×
468.9
485.64
7.7
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.9
485.64
7.7

Вице-премьер ауылдағы шағын кәсіпкерлерге барды

06.05.2022, 18:10

Премьер-министрдің орынбасары Ералы Тоғжанов «Халықтың табысын арттыру бағдарламасын» іске асыру аясында Жамбыл облысына жұмыс сапарымен барды, деп хабарлайды Ulysmedia.kz.

Вице-премьер «Шамуратов Шовкат Валерьевич» жеке кәсіпкерлігінің қызмет барысымен танысты.

Шағын кәсіпорын күніне 400 кг шұжық өнімдерін шығарады. Цехта 7 маман жұмыс істейді. Ауыл халқының табысын арттыру пилоттық жобасының 5 бағыты бойынша алынған несие сомасы 10 000,0 мың теңгені құрайды.

Сондай-ақ Ералы Тоғжанов ауданы 80 сотық жерді алып жатқан ЖК "Серік"  жылыжайын аралап көрді. Несие сомасы-14 566,0 мың теңге. Өткен жылы 30 тонна қияр өндірілді. Жылыжайда тамшылатып суару жүйесі орнатылған. Онда 11 адам жұмыс істейді.

Вице-премьер пилоттық жобаны іске асырудың жоғары мультипликативтік тиімділігіне назар аударды. Мал шаруашылығын дамыту нәтижесінде шағын цехтар іске қосылып, жаңа жұмыс орындары ашылуда.

«Халықтың табысын арттыру бағдарламасының» негізгі мақсаты - қазақстандықтардың өмір сүру деңгейін көтеру. Бұл үшін халықты жұмыспен қамтуды реттеу жөніндегі жүйелі шараларды қабылдау маңызды. Бұл бағытта ауылдағы дәл осындай кәсіпорындар үлкен рөл атқарады», - деді Ералы Тоғжанов.

Байзақ ауданында пилоттық жобаның 5 бағыты бойынша барлығы 6 бизнес-жоба іске асырылды. Олардың бірі - гидропон қондырғысын сатып алу.

Қазақстандағы осы жабдықтар мен қондырғылардың негізгі жеткізушісі Тараз қаласында орналасқан "Agro Green Technology" ЖШС болып табылады.

Тоғжанов қуаттылығы тәулігіне 400 кг жем шығаруға қауқарлы жылжымалы гидропониялық қондырғыда құрама жем өндіру процесімен танысты. Серіктестік сонымен қатар гидропоника әдісімен дәруменделген жасыл жем, көкөніс, күріш өсірумен айналысады.