×
433.3
464.19
6.48
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
433.3
464.19
6.48

Шудың жігіттері полицейлерге шабуыл жасады

07.05.2022, 19:34
Видеодан кадр

7 мамырға қараған түні Шу аудандық ішкі істер бөліміне белгісіз біреулердің полиция қызметкерлеріне күш көрсетіп жатқаны туралы хабарлама түскен, деп хабарлайды  Ulysmedia.kz.

Әлеуметтік желіде бір топ жігіттің полиция қызметкерін ұрып-соғып жатқан видеосы тарады. Бейнежазбадан атыстың да дауысы естіледі.

Оқиға Шу қаласында вокзал маңында болған. Патрульдік полиция қызметкерлері "ВАЗ-21014" маркалы автокөлігін алдыңғы мемлекеттік нөмірі болмаған үшін тоқтады. Мән-жайды анықтап жатқан сәтте көліктің жүргізушісі мен жолаушылары заңды талаптарға бағынбай, басқа таныс адамдармен бірге билік өкілдеріне қарсылық көрсетеді. Сөйтіп екі арада жігіттер полицейді ұрып-соққан.

Қазір полиция қызметкеріне қатысты зорлық-зомбылық қолданған белсенді адамдардың барлығы ұсталды. Оларға қатысты Қылмыстық кодекстің 380-бабы 1-бөлігі ("Билік өкіліне қатысты күш қолдану") бойынша сотқа дейінгі тергеу басталды, – деді Жамбыл облыстық Полиция департаментіндегілер.

Мемлекеттік қызметшілерге күш көрсеткен белсенді тұлғалар бап бойынша ұсталды.

Тергеу мүддесі үшін сотқа дейінгі тергеп-тексерудің басқа деректері осы баптың талаптарына сәйкес жария етілуге ​​жатпайды.