Қазақстанның екі облысында су басу қаупі жоғары, деп хабарлайды Ulysmedia.kz Қазгидрометке сілтеме жасап.
Мәселен, 24-26 наурыз аралығында жоғары ауа температурасының сақталуына және одан әрі артуына байланысты Ақтөбе облысының Қобда, Мәртөк, Қарғалы, Хромтау, Әйтеке би, Ойыл, Алғын аудандарында және Қарағанды облысының Шет, Ақтоғай аудандарында қардың қарқынды еруі жалғасады. Еріген ағынды сулардың пайда болуы, мұз құбылыстарының әлсіреуі күтілуде, бұл ретте өзендердегі су деңгейінің күрт көтерілуі және жайылуы мүмкін.
Күні кеше Оралда елуге жуық саяжайды су басты.
