×
429.57
447.35
6.94
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
429.57
447.35
6.94

Назарбаев "кланының" тағы бір мүшесі Forbes тізіміне енді

11.05.2022, 12:25
Көрнекі сурет: ашық дереккөзден

Forbes Қазақстандағы ең бай 50 адамның тізімін жинақтады. Биылғы байлар қатарында жаңадан қосылған азаматтар бар, деп хабарлайды Ulysmedia.kz.

Нұрсұлтан Назарбаевтың екі қызы Динара мен Дариға Назарбаевалар ең бай 50 адам тізімінде жүр. Дариға Назарбаеваның үлкен ұлы Нұрәли Әлиев те ең ауқаттылар қатарында.

Бұған дейін мемлекеттік қызметте болған Дариға Назарбаева ауқаттылар тізімінде 13-орында. forbes.kz оның байлығын $584 млн деп бағалаған. Дариға Нұрсұлтанқызы 2012-2013 жылдары Форбс тізімінде болған. Ол кезде де 13-орында еді. Тізімде 26-орында тұрған оның ұлы Нұрәли Әлиевтің байлығы $263 млн екен.

Тізімдегі жаңа есімнің бірі – 38 жастағы Нұрбол Назарбаев, Болат Назарбаевтың ұлы. Ол 160 $млн дәулетпен 41-орынға жайғасыпты. 2017 жылға дейін ішкі істер органдарында қызмет еткен. Полиция полковнигі шені бар.

Ал қамаудағы Қайрат Сатыбалды мен Қайрат Боранбаев байлар тізімінен шығып қалыпты.

50 ауқатты бизнесмен тізімінің басында $5 млрд байлықпен Владимир Ким тұр. Екінші, үшінші орында Тимур Құлыбаев пен Динара Құлыбаева бөліскен. Олардың әрқайсысында $3,9 млрд бар деп бағалаған форбс. 4-орында Вячеслав Ким $3,2 млрд, 5-орында Михаил Ломтадзе, $3 млрд.