×
472.14
498.39
7.65
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.14
498.39
7.65

Депутат ұлытаулықтардың айлығына 20% үстемақы қосуды ұсынды

11.05.2022, 13:13
Фото: Ашық дереккөзден

Мәжілісмен Ержан Құдайбергеннің айтуынша, Ұлытау өңірі Арал экологиялық апатынан және Байқоңыр космодромының зардабын тартып отыр. Сол үшін ондағы халықтың жалақысына 20% үстемақы, ақы төленетін демалыс уақытына 10 күн беру керек, деп хабарлайды Ulysmedia.kz.

«Жаңадан ашылған облыстар халықтың мұң-мүддесінен шығуда. Осы орайда, Ұлытау өңіріне назарыңызды аударғым келіп тұр. Ұлытау облысы кұрылып, өңірді дамыту бағдарламасын дайындағанда, көш-қон бағдарламасының олқылықтарын ескеріп, жетілдіру керек. Ұлытау өңіріне көшіп келушілерге және инвесторларға тартымдылығын арттыру мақсатында өңірлерді дамытуға бағытталған бағдарламалардың толыққанды, нәтижелі жұмыс жасауын қамтамасыз ету», - деді Ержан Құдайберген үкімет басшысының орынбасары Ералы Тоғжановқа жолдаған сауалында.

Оның айтуынша, Ұлытау өңірінің Арал экологиялық апатынан және Байқоңыр космодромының зардабын тартып отырғаны белгілі.

«Осыған байланысты арнайы бағдарлама қабылдауды ұсынамын. Бағдарламада жалақыға 20% үстемақы, ақы төленетін демалыс уақытына 10 күн қарастыру қажет. Елді мекендердің ара қатынасын жақсарту мақсатында көлік жолдарын қысқа уақытта жөңдеуден өткізуді қамтамасыз ету керек. Жаңа құрылған Ұлытау облысында территориялық даму, тұрақты адам орналастырумен айналысу өте маңызды. Сондықтан, облысқа адамдарды тұрақтандырудың бағдарламасы қажет», - деді ол.