×
475.51
464.15
8.2
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
475.51
464.15
8.2

Пірматов: инфляция жыл соңына дейін жоғары деңгейде сақталады

12.05.2022, 10:36
Көрнекі сурет: ашық дереккөзден

Ұлттық банк төрағасы Ғалымжан Пірматов елдегі инфляция жыл соңына дейін жоғары деңгейде сақталатынын мәлімдеді, деп хабарлайды Ulysmedia.kz.

«Қазақстандағы инфляция, біздің болжамымызға сәйкес, наурыздағы 12%-дан сәуірде барлық компоненттер бойынша баға жылдам өскендіктен 13,2%-ға дейін қарқын алды. Азық-түлік бағасының жылдық өсімі 15,4%-дан 17,9%-ға дейін жеделдеді. Азық-түлік тауарлары бағасының өсуіне ең көп үлесті қант, қырыққабат, күнбағыс майы қосып келеді», - деді Ғалымжан Пірматов үкімет отырысында. 

Оның айтуынша, әлеуметтік маңызы бар азық-түлік тауарлары бағасының апта сайынғы өсуі тұрақталған. Алайда наурызда жекелеген азық-түлік тауарларға сұраныс артқандықтан бағаның жылдық өсімі жоғары деңгейде сақталып отыр.

«Сыртқы инфляциялық әсер сәуірде 10,9%-дан 11,1%-ға дейін жеделдеген азық-түлікке жатпайтын тауарлар бағасына өсім тұрғысынан қысым көрсетуін  жалғастыруда. Ақылы қызмет көрсету бағасының өсуі 8,3%-дан 8,9%-ға дейін жеделдеді, бұл бірқатар нарықтық қызметтер бағасының өсуіне байланысты болды. Инфляциялық тәуекелдерді ескере отырып, инфляция жыл соңына дейін жоғары деңгейде сақталатын болады», - деді ол.