×
432.69
455.32
6.81
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
432.69
455.32
6.81

Кәрім Мәсімовті қамауда ұстау мерзімі ұзартылды

12.05.2022, 14:55
Көрнекі сурет: ашық дереккөзден

Кәрім Мәсімов пен оның орынбасарларын қамауда ұстау мерзімі бір айға ұзартылды, деп хабарлайды Ulysmedia.kz.

ҚР Ұлттық қауіпсіздік комитетінің мәлімдеуінше, Кәрім Мәсімов пен Әнуар Садықұловты қамауда ұстау мерзімі 6 маусымға дейін, Дәулет Ерғожиннің қамау мерзімі 13 маусымға дейін ұзартылды.

ҰҚК тергеу-жедел тобы Мәсімовке, Садықұловқа, Ерғожинге және т.б. тұлғаларға қатысты ҚР Қылмыстық кодексінің 75-бабының 1-бөлімінде, 179-бабының 3-бөлімінде, 218-бабының 3-бөлімінің 3-тармағында, 362-бабының 4-бөлімінің 3-тармағында, 366-бабының 4-бөлімінде көзделген қылмыстық белгілер бойынша қылмыстық істі тергеуді жалғастырып жатыр, – делінген ҚР Ұлттық қауіпсіздік комитетінің баспасөз қызметі таратқан хабарламада.

Еске салсақ, 6 қаңтарда ҚР ҰҚК мемлекетке опасыздық жасау (ҚР Қылмыстық кодексінің 175-бабы 1-бөлігі) бойынша сотқа дейінгі тергеуді бастады – Кәрім Мәсімов пен басқа да тұлғалар ұсталып, уақытша ұстау изоляторына қамалды.