×
472.14
498.39
7.65
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.14
498.39
7.65

Жамбылда жол апатына түскен өзбекстандықтар елдеріне қайтарылды

14.05.2022, 14:52
ҚР ТЖМ баспасөз қызметі

Жамбыл облысында жол апатынан зардап шеккен Өзбекстан азаматтары өз отанына кетті, деп хабарлайды Ulysmedia.kz.

Қазақстанның төтенше жағдайлар министрлігінің мәліметінше, сегіз жедел жәрдем көлігі мен бір жолаушылар автобусы шекарадан аман-есен өткен.

"14 мамыр түнгі сағат 02.00-де Өзбекстан ТЖ министрінің орынбасары Азизбек Латифжонов бастаған жедел топ колоннамен Жамбыл облысы Жуалы ауданынан 8 жедел жәрдем көлігі және бір "Ванхолл"маркалы жолаушылар автобусымен Өзбекстанға жөнелтілді", - делінген хабарламада.

Олар жол апатынан зардап шеккен 13 адам мен уақытша орналастыру пунктіндегі жеті адамды, сондай-ақ көз жұмған екі адамның мәйітін алып кетті. Ал Өзбекстанның 1980 және 1965 жылғы екі азаматы Жуалы ауданы ауруханасының жансақтау бөлімінде жатыр.