×
476.71
467.03
8.36
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.71
467.03
8.36

Жамбылдағы жол апаты: автобуста болған тағы бір азамат көз жұмды

15.05.2022, 15:10
Көрнекі сурет: ашық дереккөзден

Жамбыл облысында жол апатынан зардап шеккен тағы бір өзбекстандық тұрғын Жуалы аудандық орталық ауруханасының жансақтау бөлімінде көз жұмды, деп хабарлайды Ulysmedia.kz.

Осылайша жол апатынан қаза тапқандар саны үш адам болды.

Облыстық Денсаулық сақтау басқармасының мәліметінше, оқиға орнында қаза тапқан екі өзбекстандықтың денесі еліне жіберілді. Дәрігерлер тағы екі адамның жағдайы ауыр екенін айтады. Олардың бірі санитария авиациясымен Тараз көпсалалы ауруханасына жеткізілген.

Апат салдарынан зардап шеккен 20-дан аса адам үйіне оралды. Оларды тасымалдау үшін 8 жедел жәрдем көлігі мен автобус колоннасы ұйымдастырылған.

Еске салайық, 12 мамырда күндіз Тараз маңындағы Алматы-Шымкент тасжолында жолаушылар автобусы жол апатына ұшырады. Салонда 51 адам болған, оның 46-сы – Өзбекстан тұрғындары. Кеше жол апатынан зардап шеккен Өзбекстан азаматтары өз отанына жеткізілген болатын.