×
475.51
464.15
8.2
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
475.51
464.15
8.2

Eurovision-2022: украиналықтар жеңіске жетті

15.05.2022, 15:23
Getty Images

14 мамырда Туринде Eurovision ән байқауының финалы өтті. Онда украиналық Kalush Orchestra этно-рэп тобы жеңіске жетті, деп хабарлайды  Ulysmedia.kz.

Eurovision.tv-ның хабарлауынша, төрешілер көрермендердің дауыс беруіне дейін турнир кестесінің көшбасында 283 ұпаймен ұлыбританиялық музыкант Сэм Райдер тұрғанын, содан кейінгі оның ізін 258 және 231 ұпаймен Швеция мен Испания басқанын айтты, ал Украина тек төртінші орында келе жатқан.

Бірақ көрермендердің дауыс беруінен кейін украиналық рэп тобы Еуропа мен Австралия жұртшылығының жоғары бағасына ие болып, 631 ұпай жинады, осылайша олар бірінші орынға бір-ақ көтерілді.

Бұл – халықаралық ән байқауындағы 2004 және 2016 жылдардағы жеңістерден кейінгі Украинаның үшінші жеңісі.

Дәстүр бойынша келесі жолы байқау жеңімпаз болған өнерпаздардың елінде өтуі тиіс.