×
476.71
467.03
8.36
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.71
467.03
8.36

Алматыдағы ірі мейрамхана аспаздары есірткі саудасымен айналысқан

17.05.2022, 16:19
Алматы қалалық ПД

Алматыда ірі мейрамханалардың аспаздары есірткі тасымалдағаны үшін ұсталды, деп хабарлайды Ulysmedia.kz полицияға сілтеме жасап.

“Бірнеше апта бойы біз бірқатар жедел ақпаратты тексерумен айналыстық. Күдіктілердің қылмыстық әрекеті расталып, ресми түрде құжатталды. Біз «гашиш» есірткісін жедел сатып алғаннан кейін элиталық мейрамханалардың бірінің аспазы 1973 жылы туған М.есімді азамат жұмыс орнында ұсталды”, – деді Алматы қаласы ПД Есірткі қылмысына қарсы күрес басқармасы бастығының орынбасары полиция полковнигі Сағындық Аяғанов.

Сондай-ақ күдіктінің тұрғылықты жерін тінту барысында екі сіріңке қорапшасынан және сығымдалған гашиш салынған дөңгелек бумадан есірткі заты гашиш табылған.

Тағы бір жағдайда, аспаз-әйел есірткі сатумен айналысқан.

“Алматы облысының Қарасай ауданында 1980 жылы туған Д.есімді азаматшаның тұрғылықты жерінен ұнтақ заты бар пакет табылды, оның шынайы тиесілігі сот-химиялық сараптамамен анықталады”, – деді Алматы қаласы ПД Есірткі қылмысына қарсы күрес басқармасы.

Екі дерек бойынша да ҚР ҚК-нің 297 бабы 1 бөліміне сәйкес қылмыстық іс қозғалды.