×
475.51
464.15
8.2
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
475.51
464.15
8.2

Щучинскіде өртенген базардан ер адамның мәйіті табылды

18.05.2022, 09:38
Ақмола облыстық ТЖД баспасөз қызметі

Бүгін, 18 мамыр күні сағат 04-50-де Ақмола облысы, Бурабай ауданының Щучинск қаласында «Жомарт» базарының бір қабатты жеке тұрған ғимараты өртенді, деп хабарлайды Ulysmedia.kz.

Ақмола облыстық Төтенше жағдайлар департаментінің баспасөз қызметінің мәліметінше, жалын 1700 шаршы метр аумақты шарпыған. Ал ғимараттың жалпы ауданы 3000 шаршы метр.

"Өрт сөндіру кезінде ер адамның денесі табылды. Алдын ала болжам бойынша ол базардың күзетшісі болуы мүмкін. Қазіргі таңда анықтау жұмыстары жүргізілуде", - делінген хабарламада.

Өрт сөндірушілер 45 минут ішінде өртті оқшаулап, жалынның таралуына жол бермеді. Осылайша екі сағат ішінде өртті толығымен сөндірді.

Қазір оқиға орнында өрт-техникалық зертханасы, полицейлер жұмыс істеп жатыр. Өрттің шығу себебі анықталуда.