×
467.99
488.82
7.7
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
467.99
488.82
7.7

Үкімет хабардар ма? Қазақстанда 4300 лифт совет заманынан бері жұмыс істеп тұр

19.05.2022, 10:49
Фото: Ашық дереккөзден

Сенатор Есқали Әбдікеров елдегі лифттердің мәселесін көтерді, деп хабарлайды Ulysmedia.kz.

Депутаттың айтуынша, қазіргі таңда елімізде лифт шаруашылығын реттеу мақсатында ұлттық стандарт әзірленіп, арнайы жол картасы қабылданса да, лифтілердің жағдайы мен оларға техникалық қызмет көрсететін компаниялардың сапасы, сондай-ақ жергілікті атқарушы органдардың осы тұрғыдағы бақылаудың төмендігі жиі сынға ұшырап жатыр. 2012 жылы лифт саласындағы лицензциялау алынып тасталып, қауіпсіздік мәселесі біраз тасада қалған. Көп сарапшылардың айтуынша, бұл өз кезегінде осы бағытта қызмет көрсететін небір жауапкершілігі төмен компаниялардың пайда болуына әкелген.

«Соның салдарынан соңғы 5 жылда еліміздегі көпқабатыт тұрғын үйлердегі лифтілердегі апаттық жағдайлар көбейіп, азаматтардың жарақат алу, қайғылы қазаға ұшырау оқиғалар орын ала бастады», - дейді ол.

ҚР ИИДМ мен Қазақстан лифтшілері ұлттық қауымдастығының мәліметтеріне қарағанда, 2018-2022 жылдар аралығында елімізде лифт ақауынан 13 төменше жағдай тіркеліп, оның 8-і қайғылы жағдаймен аяқталған екен.

«Бүгін де еліміздегі көпқабатты тұрғын үйлерде 30 мыңнан астам лфит болса, 4 мыңнан астамы жөндеуді немесе ауыстыруды қажет етеді. Әсіресе, павлодар, Қарағнады, ШҚО, БҚО, Ақтөбе облыстарының үйлеріндегі лифтілер әбден тозған. Оның үстіне кеңес заманына қалған 4300 лифт бар. Сондықтан бұл мәселе бүгінгі таңда жұртшылықты қатты толғандырады», - дейді Есқали Әбдікеров.

Сенатор лифт саласында отандық өнімдерді қолдау мәселесі де өткір екенін айтады. Ресми дерекке сәйкес, Қазақстанға жылына 5 мыңнан астам лифт әкелінеді. Ал отандық өндірушілер сұраныстың 21 пайызын ғана қанағаттандыра алады. Сондықтан бұл саладағы сенатор өз өндірісімізге күш салу керектігін айтады. Қазір елде лифттің керек-жарағын шығаратын 3 зауыт жұмыс істейді. Оның бірі Алматы қаласында болса, екіншісі Алматы облысында, ал үшіншісі Ақмола облысында орналасқан. Сенатор үкімет басшысына жолдаған сауалында аталмыш проблемаға назар аударуға шақырды.