×
468.9
485.64
7.7
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.9
485.64
7.7

Утильалым: Шетел көлігін өтінім берген күннен бастап төмен ставкамен тіркеуге болады

21.05.2022, 12:33
Фото: Ашық дереккөзден

2022 жылдың 14 мамырына дейін шет елдерден көлік алғандар онысын төмендетілген мөлшерлемемен тіркей алады, деп хабарлайды Ulysmedia.kz.

Экология, геология және табиғи ресурстар министрлігінің министрліктің қоғаммен байланыс жөніндегі департамент директоры Олжас Беркінбаев кеше әлеуметтік желідегі парақшасында алдымен «сәлден соң жақсы бір жаңалық шыққалы тұрғанын» жазған. Көп өтпей бұқаралық ақпарат құралдарында 14 мамырға дейін Қазақстан аумағына кірген көліктердің утильалымы төленбеген болса, оны 23 мамырдан бастап жаңа төмендетілген мөлшерлемемен төлеуге болатынын жаза бастады. Төлеу үшін тиісті мекемеге өтініш жазу керек. ‘

«Бізге халық атынан дүйсенбіден бастап бастамашыл топ келген. Министр олармен 2-3 рет кездесіп бүкілін тыңдады. Енді көліктер елге кірген күннен емес, утильалымға өтінім берген күннен бастап утильалым ақысып төлейді. Демек жыл басынан келген көліктер утильалым төлеп қоймаса жаңа ставкамен 50 пайызбен төлейді», - деді хабарласқанымызда Олжас Беркінбаев.

Министрмен кездескен Төлеген Орашов атты белсенді бұл ақпаратты растады. Оның айтуынша, дүйсенбі 23 мамырдан бастап көлік иелері жаңа ставкамен утильалымды төлей алады.

Айта кетсек министрлік кәдеге жарату төлемін есептеу әдістемесіне өзгерістер енгізген еді. 14 мамырдан бастап Қазақстанда утильалымның жаңа төмендетілген мөлшерлемесі күшіне енген. Бұрынғы утильалым мөлшерлемесі 50 пайызға төмендеді.