×
449.58
486.94
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
449.58
486.94
4.86

Алматы-Көкпек-Көктал тас жолындағы жол апатынан бес адам көз жұмды

01.04.2023, 18:10
Ашық дереккөз

1 сәуірде таңғы сағат 8-00 шамасында Алматы-Көкпек-Көктал тас жолында екі жеңіл көлік бетпе-бет соқтығысып, бес адам қаза тапты, тағы үш адам жарақат алды, деп хабарлайды Ulysmedia.kz.

Полиция мәліметінше, Audi 100 автокөлігінің 43 жастағы жүргізушісі Алматы-Көкпек–Көктал  тас жолының 196 шақырымында жолдың қарама-қарсы бетіне шығып, 1964 жылғы азамат тізгіндеген Audi С4 көлігімен бетпе-бет соқтығысқан.

Жол апатынан Audi 100 жүргізушісі мен оның үш жолаушысы (біреуі - бала), сондай-ақ Audi С4 жүргізушісі оқиға орнында қаза тапты. 

Әртүрлі дене жарақаттары бар төрт жолаушы Шонжы ауылында орналасқан орталық аудандық ауруханаға жатқызылды. Олардың бірінің жағдайы ауыр екені де нақтыланады.

Аталған дерек ҚР ҚК 345-бабының 4-бөлігі бойынша Еңбекшіқазақ ауданының СДТБТ-да тіркелді.

Қазір қажетті сараптамалық зерттеулерді тағайындаумен тергеу әрекеттері жүргізіліп жатыр. 

Серіктес жаңалықтары