×
477.37
460.38
8.27
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
477.37
460.38
8.27

Әбілқасымова Қазақстанда Агробанк құру бастамасын қолдамады

23.05.2022, 10:21
Коллаж: ulysmedia.kz.

Бұл ұсынысты үкіметке былтырдан бері сенаторлар, мәжілісмендер, сонымен қатар жекелеген экономистер де жолдаған. Алайда Қаржы нарығын реттеу жән едамыту агенттігінің төрағасы Мадина Әбілқасымова бұл бастаманы қолдамайтынын мәлім етті, деп хабарлайды Ulysmedia.kz.

«Банктер туралы заңның1 3-бабының 7-тармағына сәйкес, Қазақстанның тұрғын үй құрылыс жинақ банкін қоспағанда, елде мемлекеттің қатысуымен мамандандырылған салалық банктер құруға жол берілмейді», - деп жауап берді Мадина Әбілқасымова депутаттардың сауалына.

Оның хабарлауынша, Қазақстанда ауылда тауар өндірушілердің, өнеркәсіп саласының қаржылық қызметтерге деген қажеттіліктерін қанағаттандыруға мүмкіндік беретін көп деңгейлі банк жүйесі қалыптасқан. Атап айтқанда, қызметі ауыл шаруашылығын, өнеркәсіпті, құрылысты несиелеумен және кепілдендірумен байланысты әмбебап коммерциялық банктердің, несиелік серіктестіктердің, түрлі мамандандырылған мекемелердің саны жеткілікті. Оның ішінде «Аграрлық кредиттік корпорация» АҚ мен «Даму» кәсіпкерлікті дамыту қоры» АҚ жұмыс істейді.

«Құруға ұсынылатын Агробанктің, Промстройбанктің шағын саласы оларда әртараптандырылмайтын тәуекелдердің жоғары деңгейде шоғырлануын болжайды. Сондай-ақ, мұндай банктердің халықтың депозитін тарту және оларды қайтаруда қиындықтарға тап болу ықтималдығы жоғары. Мұның салдары олардың қаржылық орнықтылығын қамтамасыз ету үшін қосымша бюджет қаражатын салуды талап етеді», - дейді Мадина Әбілқасымова.