×
468.9
485.64
7.7
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.9
485.64
7.7

90-ға таяған Олжас Сүлейменов жаңа партия құрмақ

23.05.2022, 11:32
Фото: Ашық дереккөзден

Ақын арнайы баспасөз концеренциясын ұйымдастырып, партия құратынын жариялады. Ол партиясын Қазақстан халық конгресі деп атамақ, деп хабарлайды Ulysmedia.kz.

«Халық монотілді. Қазақ немесе тек украин, орыс тілінде бола алмаймыз. Біз совет одағы кезінде монотілді мемлекет ретінде қалыптасып қойдық. Өз ойымызды қазақ тілінде де, орыс тілінде де жеткізе аламыз. Сол себепті осы тілдердің бірін шектеуге болмайды. Бұл зиян. Біз қазір Украинада не болып жатқанын көріп отырмыз. Онда дарынсыз саясаткерлер бір тіл ретінде украинды бекітті де, ақыры Украина өзінің мемлекеттігін жоғалтып алды», - дейді Олжас Сүлейменов.

Партия құрғысы келетін Олжастың оң жағында «Хабар» арнасын басқарған Ерлан Бекқожин, ал сол жағында депутат болған Омархан Өксікбаев отыр.

Жалпы «Қазақстан халық конгресі» партиясы 1991 жылы қазанда құрылған. Яғни бұл жолы Олжас Сүлейменов оны жандандырғалы отыр. Әу баста олар өзін либералды-демократиялық саяси қозғалыс ретінде көрсетті. Оның тең төрағалары ақын Мұхтар Шаханов пен Олжас Сүлейменов болды. 1993 жылы Шаханов партиядан шығып, Қырғызстандағы елші атанды. 1995 жылы Сүлейменов Италияға Қазақстанның елшісі болып кетті де, партия саяси сахнадан бірте-бірте жоғалып кеткен. 2022 жылдың ақпан айының соңында Сүлейменов «Қазақстан халқы конгресі» қозғалысының жанданатынын жариялады.