×
468.98
493.74
7.59
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.98
493.74
7.59

Автосалонға барсам көлік жоқ: Министр «4% көлік» жырының шешілетініне уәде берді

24.05.2022, 12:37
Фото: Ulysmedia.kz

Индустрия және инфрақұрылымды дамыту Қайырбек Өскенбаев алдағы 2-3 айда 4% несиемен берілетін көлікпен өтінім бергендер толық қамтылатынына уәде берді, деп хабарлайды Ulysmedia.kz.

«Автосалонға барсақ көлік жоқ. Күтіңіздер дейді. Қанша десем, нақтысын айтпайды. Жылға созылып кетуі мүмкін. Бұл проблеманы білесіздер ме?» - деп сұрады министрден журналистер үкіметтің кулуарында.

Бұл сұраққа жауап берген министр «бір күнде 10 мың немесе 20 мың, 50 мың көлік шығару мүмкін емес» екенін атап өтті.

«2-3 айдың ішінде толығымен несиені алған адамдарға көліктің тиетініне зауыттардың мүмкіндігі бар», - деді Өскенбаев.

Журналистер «біз айналып келіп, импорттық көліктерді өз халқымызға сатып жатырмыз. 30 жылдың ішінде велосипед те құрастырған емеспіз. Көлік түгілі. Сіз өзіңіз қашан Қазақстанда құрастырылған көлікпен жүресіз?» деп сұрады министрден.

«Сол сіз «түкке тұрмайтын зауыт» деп атаған зауыттарды көрейікші. Бірге барайық. Сіздер ол зауыттарды көрген жоқсыздар. Көлік шығарылып жатыр», - деді ол.

Министр берген ақпарат бойынша 4800 адамның көлік алу жөніндегі өтінімі банктен қанағаттандырылған.

«Сіз уәде бересіз бе? 2-3 айдан кейін көлікті ала аламыз ба?» деген сұраққа Өскенбаев былай деді.

«Ешқандай 10 жыл күтпейсіздер. Ары кеткенде 2-3 айдың ішінде сендерге олар көлік беруге міндетті», - деп түйді Қайырбек Өскенбаев.