×
460.95
487.18
8.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
460.95
487.18
8.66

Экс-президент мемлекетке сатқындық жасады деген күдікпен ұсталды

24.05.2022, 16:14
фото: ашық дереккөзден

Молдованың бұрынғы президенті Игорь Додон мемлекетке сатқындық жасады деген күдікпен 72 сағатқа қамалды, деп хабарлайды «Sputnik Молдова». 

Тергеу қылмыстық іс шеңберінде төрт бап бойынша жүргізілмек: пассивті сыбайлас жемқорлық, саяси партияның қылмыстық ұйымнан қаржы алуы, заңсыз баю және мемлекетке опасыздық жасау.

Молдованың экс-президентіне тиесілі үй мен кейбір үй-жайларда тінту жүргізілген.

«Тергеу шаралары жалғасуда. Ол 72 сағатқа ұсталды», деді Молдова Бас прокуратурасының баспасөз хатшысы Марианна Керпек.

Елдің Бас прокуратурасы 18 мамырда Игорь Додонға қарсы қылмыстық іс қозғаған. Ол кәсіпкерден ірі көлемде пара алды деп күдікке ілінген.