×
468.45
489.06
7.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.45
489.06
7.66

Бұдан былай банк және ХҚКО қызметкерлеріне клиенттің жеке дерегі берілмейді – Мусин

25.05.2022, 13:36
фото: ашық дереккөзден

Бұдан былай ХҚКО мен банктің операторлары SMS-код арқылы расталмайынша клиенттің жеке дерегіне қол жеткізе алмайды.Бұл туралы Цифрлық даму, инновациялар және аэроғарыш өнеркәсібі министрі Бағдат Мусин мәлімдеді, деп хабарлайды Ulysmedia.kz. 

Министрдің сөзінше, клиенттің жеке дерегі бөгде адамға берілмейді.

«Бұрын адам банкке келген кезде оған өмір бойы дербес деректерін өңдеуге келісім беру туралы кішкентай әріптермен жазылған қағазды тықпалайтын. Оны ешкім назар аударып оқымайды. Қол қойып бере салады. Құжат мұрағатқа кететін. Ендігі уақытта мұндай келісімдердің бәрін цифрлық түрде рәсімделетін, базаға түсетіндей қылып жасадық», – деді Бағдат Мусин.

Мұндай әдіс мамандандырылған ХҚКО-да қолданылады. Оператор клиентке қызмет көрсетпестен бұрын оның телефон нөмірін сұрайды және сол нөмірге SMS -код келеді. Код енгізілгеннен кейін ғана оператор дербес деректермен жұмыс істей алады.