×
467.99
488.82
7.7
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
467.99
488.82
7.7

Елордада алып баннер құлап, 2 адам зардап шекті

27.05.2022, 12:31
фото: әлеуметтік желіден

Нұр-Сұлтанда қатты желдің салдарынан алып баннер құлап, екі адам зардап шекті, деп хабарлайды Ulysmedia.kz қалалық денсаулық сақтау басқармасына сілтеме жасап.

Оқиға Бейбітшілік пен келісім сарайы маңында болған. Қатты жел баннерді шамамен 15 метр жерге дейін ұшырған. Соның салдарынан елорда тұрғыны түрлі дене жарақатын алған.

Нұр-Сұлтан қалалық денсаулық сақтау басқармасы баспасөз қызметінің мәліметінше, жараланғандар саны екеу. Жедел медициналық жәрдем бригадасы оқиға орнына 3 минутта жеткен.

«Зардап шеккендер (1 ересек адам, 1 жасөспірім) түрлі жарақатпен көпбейінді қалалық стационарларға жеткізілді. Оларға қабылдау бөлімі деңгейінде ауруханалардың бейінді мамандары бүкіл қажетті медициналық көмекті көрсетті», - деп атап өтеді басқармадан.

Басқарма мәліметінше, зардап шеккен әйел түрлі жарақатпен ауруханаға жатқызылды, жағдайы бірқалыпты.

«Науқас ауруханада толық сауыққанға дейін стационарлық ем қабылдайды. Жарақат алған жасөспірімді мамандар қарап шықты. Медициналық тексеру кезінде науқастың жағдайы орташа, асқыну болмады. Дәрігерлер толық тексеру жүргізді. Содан кейін сырқат амбулаториялық емдеуге жіберілді», - деді ведомстводан.