×
470.9
496.94
8.83
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
470.9
496.94
8.83

Феминист: Әйелдерді қорғауы тиіс комиссияда салада жұмыс істемегендердің жүруі – әділетсіздік

28.05.2022, 13:04
Фото: Ашық дереккөзден

Ulysmedia.kz порталына берген сұхбатында феминист, гендерлік экономика зерттеушісі Әйгерім Құсайынқызы президент жанындағы Әйелдер істері және отбасылық-демографиялық саясат жөніндегі ұлттық комиссияның мүшелеріне көңілі толмайтынын айтты.

«Жаңа құрамға кімнің кіргенін, олар жалпы гендерлік саясатта немен айналысып жүргені айтылмады. Мысалы Қарақат Әбденнің 2004 жылдан бері «Қазақ қызы» деген қоры бар. Яғни 7-18 жас аралығындағы қыздарға патриархалды ортаға, еркектерге қолайлы қалай келін болу керек, ұлттық тәрбиені қалай сақтау керек деген секілді мектебі бар. Қор республикалық бюджет тарапынан қаржыландырылады. Ал бұл жағдай Қазақстан Республикасының 2009 жылғы еркектер мен әйелдердің тең құқықтары мен тең мүмкіндіктеріне мемлекеттік кепілдік туралы заңына қайшы келеді», - дейді феминист.

Оның айтуынша, кез келген салада меритократия деген ұғым айтылуы керек. Меритократия – лайықты адамдардың орнына келуі.

«Біз бұл комиссияны неліктен сынға алып жатырмыз? Себебі ұлттық комиссия президент әкімшілігінің тікелей қатысуымен құрылады. Олардың құрамында әйелдердің, демография істерімен айналысатын адамдар болуы керек. Сол саланың мамандары Қазақстанда жеткілікті. Тіпті дәл қазір ең парадоксальды болып тұрғаны – қазір Қазақстандағы жалпы зорлық-зомбылыққа ұшыраған әйелдердің ең көп көмек берушісі Дина Таңсәріге қауіп төніп тұр. Ол 7 жылға дейін бас бостандығынан айырылуы мүмкін», - дейді Әйгерім Құсайынқызы.

Феминист сонымен қатар проблемасы бар әйелдердің мәселесін шешуі тиіс ұлттық комиссияда қазақстандық әйелдердің жан айқайын естімеген, сол салада жұмыс істемеген азаматтардың комиссияда болуын әділетсіздік деп бағалады.

«Біз қазір жалпы белсенділер, фембикелер осы ұлттық комиссия құрамының қайта қаралуын талап етіп жатырмыз», - деп түйді бұл тақырыпты Әйгерім Құсайынқызы.