Қытай төрағасы Си Цзиньпин Украина бойынша бейбіт келіссөздер жүргізуге шақырды, деп хабарлайды Ulysmedia.kz.
«Бейбіт келіссөздерді мүмкіндігінше тезірек қайта бастау керек», - деген Си басқа үкіметтерді «дағдарысты нашарлататын немесе тіпті оны бақылаудан шығаруы мүмкін» қадамдардан аулақ болуға үндеді.
Бұл туралы ол Бейжіңде Франция президенті Эммануэль Макронмен кездесуінде айтты.
24 ақпанда Қытай Украина қақтығысынан шығу жоспарын ұсынды, оның ішінде 12 тармақ болса, онда барлық елдердің егемендігін құрметтеу, соғыс қимылдарын тоқтату, бейбіт келіссөздерді бастау және т.б. қамтылған.
Украина президенті Владимир Зеленскийдің пайымынша, Қытайдың ұсынысы бейбітшілік жоспарынан гөрі «өздерінің ойын білдіруге» саяды. Ол Ресей әскерін Украина аумағынан шығару туралы тармақсыз мұндай бастаманы жүзеге асыру мүмкін емес екенін айтты.
Осыдан кейін Зеленский Қытай төрағасы Си Цзиньпинмен кездесуге ниетті екенін бірнеше рет мәлімдеді.
