×
470.9
496.94
8.83
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
470.9
496.94
8.83

Батыс санкциялары Ресей компанияларының 87 пайызын қамтыған – зерттеу

31.05.2022, 18:23
фото: ашық дереккөзден

Батыстың Ресейге қарсы санкциялары елдегі компаниялардың 87 пайызын қамтыған. Олардың 12 пайызға жуығы кәсіпті толықтай немесе жартылай тоқтатуға мәжбүр болды, деп хабарлайды РБК.

Кәсіпкерлер құқығын қорғау жөніндегі уәкіл Борис Титовтың "Ресейдегі бизнестің қазіргі жағдайы" деп аталатын баяндамадасында келтірілген деректерге сүйенсек, кәсіпкерлердің он пайызы ғана бизнесі тұрақты екенін айтқан.

Ал зерттеуге қатысқан кәсіпкерлердің үштен екісі экономикалық дағдарыс салдарын сезгенін мәлімдеген. Респонденттердің 62 пайызы сұраныс күрт төмендегенін атаған. Тауар дефициті, транзиттің қиындауы, шетелден тауар алдыра алмау да Ресейде кәсіп жүргізуге кедергі келтіріп отыр. 

Украинада соғыс басталғалы бері Еуропаның жүздеген компаниясы Ресей нарығында жұмыс істеуден бас тартты. Сарапшылардың болжамынша, Ресей экономикасы рецессияға ұшырап, инфляция өсіп, елде жұмыссыздар көбейеді.