×
465.38
483.58
7.69
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
465.38
483.58
7.69

«Сұлтановтың әлемінде» қант 432 теңгеден сатылады – өңірлерде баға екі есе шарықтап кеткен

01.06.2022, 14:08
Фото: Ашық дереккөзден

Қант неге жоқ? Бар болса да неге қымбат? Сауда және интеграция министрі Бақыт Сұлтановқа үкіметтің баспасөз орталығында осындай сұрақ қойылды, деп хабарлайды Ulysmedia.kz.

«Қазақстанның өңірлерінде қант бағасы келісіне 900 теңгеге дейін шарықтап кеткен. 500 немесе 600 теңгеден емес! 900! Бағаны қашан бақылауға аласыздар?» - деп сұрады министрден тілшілер үкіметтің баспасөз орталығында.

Бұл сұраққа жауап берген Сауда және интеграция министрі Бақыт Сұлтанов «біз бағаны реттемейміз» деді.

«Шекті бағаны белгілейтін механизм бар. Біз бүгін былай деп отырмыз: қант нарығындағы өзгерістердің негізгі себебі – логистика мәселесіне келіп тіреледі. Себебі біз бұрын қанттың 70 пайызын сырттан әкелсек, сол қанттың 90 пайызына дейін Ресейден алып отырдық. Кубандық қантты. Қазір логистика өзгеріп жатыр. Тиісінше, баға да өзгереді», - деді ол.

Бақыт Сұлтанов «орташа баға қазір 432 теңге болып қалыптасқанын» жеткізді.

«Қалаймыз ба, қаламаймыз ба бұл баға әлемдік бағалардың ықпалымен белгіленеді. Әртүрлі амалмен Үндістаннан, Бразилиядан келеді. Осының бәрі бағаға ықпал етеді», - деді Бақыт Сұлтанов.