Алматының Медеу ауданында бейтаныс азамат өзін ақша айырбастау пунктінің қызметкері деп таныстырып, клиенттің 80 мың долларын қолды қылды, деп хабарлайды Ulysmedia.kz Алматы қалалық полиция департаментіне сілтеме жасап.
Қаражатты басқа валютаға айырбастаймын деген ол кеңсенің келесі бөлмесіне кіріп, сол жерден қосалқы есік арқылы бой тасалаған.
«Ақшаны айырбастаймын деп ол адамды интернет арқылы таптым. Келісілген уақытта айтқан жерге келдім. Бар ақшаны қолына санап берген соң, біраз күтіп отырғанмын. Сол кезде алданғанымды түсіндім», – деді зардап шегуші
Күдікті 1985 жылы туған. Қылмыс болған күні ол Семейден келіп, ақшаны ала салысымен Өскемен қаласына ұшып кеткен. Қазір азамат қамауда.
