×
468.45
489.06
7.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.45
489.06
7.66

Полиция департаменті 4-сынып оқушысын қуған өзбек жігітіне қатысты оқиғаға түсініктеме берді

04.06.2022, 15:33
ашық дерекккөз

Алматы облыстық Полиция департаменті өзбек жігіт 4-сынып оқушысына тиіспек болып соңынан қуды деген шағымды тексеріп жатыр, деп хабарлайды Ulysmedia.kz.

Ведомствоның хабарлауынша, 3 маусымда Іле ауданында «Тілектес»  саяжайының бір топ тұрғыны еңбек мигранттарына қатысты шағым түсірген. Олардың айтуынша, өзбектердің бірі құрылыс маңынан өтіп бара жатқан жасөспірімге тиіскен. 

“Қазіргі уақытта құқық қорғау органдары ауыл тұрығының шағымы бойынша тексеру жүргізіп жатыр, қолданыстағы заңнама бойынша шара қолданылады.Учаскелік полицейлер көші-қон қызметімен бірлесіп, көрші мемлекеттен келген азаматтардың құжаттарын тексерді. Нақты шешім қабылдау үшін екі жақтың да уәждері қарастырылып, бұл факті бойынша шешім қабылданады”, – делінген хабарламада. 

Прокуратура қызметкерлері қоғамдық тәртіпті бұзудың алдын алу үшін саяжай тұрғындарымен кездесті. 

“Барлықтарыңызды ресми дереккөзден алынған ақпаратқа сеніп, арандатушылыққа ермеуге шақырамыз”, – деді ведомство. 

Полицейлерге қыздың әкесі шағымданып, өзбектермен арада төбелес болғанын айтқан.