12.00-дегі жағдай: 5 миллионнан астам қазақстандық дауыс берді

Сағат 12.00-ге дейін 5 122 577 адам референдумда дауыс берді. Бұл туралы Орталық референдум комиссиясының мүшесі Шавхат Өтемісов мәлім етті, деп хабарлайды Ulysmedia.kz.

Облыстардың, республикалық маңызы бар қалалардың, елорданың комиссиялары ұсынған деректерге сәйкес, 2022 жылғы 5 маусым сағат 12.00-дегі жағдай бойынша тізімге енгізілген азаматтардың жалпы санының 43,70 % бюллетень алды.

Нақтырақ тоқталсақ:

• Ақмола облысы – 41,31%;
• Ақтөбе облысы – 41,14%;
• Алматы облысы – 43,05%;
• Атырау облысы – 37,33%;
• Батыс Қазақстан облысы – 47,58%;
• Жамбыл облысы – 55,15%;
• Қарағанды облысы – 51,60%;
• Қостанай облысы – 49,96%;
• Қызылорда облысы – 48,73%;
• Маңғыстау облысы – 36,02%;
• Павлодар облысы – 51,17%;
• Солтүстік Қазақстан облысы – 58,25%;
• Түркістан облысы – 46,69%;
• Шығыс Қазақстан облысы – 48,86%;
• Нұр-Сұлтан қаласы – 37,03%;
• Алматы қаласы – 20,14%;
• Шымкент қаласы 44,61%.

Айта кетерлігі, референдумда дауыс беруге құқылы азаматтардың тізіміне 11,7 млн сайлаушы қосылған.

Барлығы республика бойынша 10 013 дауыс беру учаскесі жұмыс істейді. Қазақстандықтар сондай-ақ шетелдерде дауыс беруге құқылы.