×
476.71
467.03
8.36
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.71
467.03
8.36

АҚШ-қа аттанған қазақстандық 4 боксшы қарсыластарын нокаутпен жеңді

05.06.2022, 17:48
ашық дереккөзден

Қазақстандық 4 боксшы АҚШ-та жекпе-жек өткізіп, қарсыластарын нокаутқа түсірді, деп хабарлайды Ulysmedia.kz Vesti.kz-ге сілтеме жасап. 

Бокстан Қазақстан ұлттық құрамасының экс-капитаны Абылайхан Жүсіпов АҚШ-та алғашқы жекпе-жегін өткізді. Жүсіпов Миннеаполисте (Миннесота) өткен бокс кешінде тәжірибелі мексикалық Эдгар Рамиреспен (18-20-1, 14 КО) кездесті. Жартылай орта салмақтағы жекпе-жек төрт раундқа жоспарланған болатын, бірақ алғашқы үш минутта Жүсіпов қарсыласын нокаутқа түсіріп, жеңіске жетті. Бұл - Жүсіповтің кәсіпқойлар арасында екінші жеңісі. Рамирес карьерасында 21-рет жеңіліске ұшырады.

WBA International тұжырымы бойынша супер жеңіл салмақ дәрежесіндегі қазақстандық боксшысы Евгений Павлов та (6-0, 4 КО) АҚШ-та алғашқы кездесуін өткізді. Павлов мексикалық Алексис Салидомен кездесті. Жекпе-жек алты раундқа жоспарланған болатын, бірақ екінші раундта аяқталды. Қазақстандық қарсыласын нокаутқа түсірді. Павлов кәсіпқой бокста жетінші жеңісіне қол жеткізді. Салидо болса мансабында үшінші рет жеңілді.

Миннеаполистегі бокс кешінде WBA International тұжырымы бойынша орта салмақтағы боксшы Бек Нұрмағанбет те (6-0, 4 КО) жекпе-жек өткізді. Ол американдық Хайнел Уилермен жұдырықтасты. Жекпе-жек алты раундқа жоспарланған еді, бірақ екінші раунд Нұрмағанбеттің жеңісімен аяқталды. Ол қарсыласын нокаутқа түсірді. Бұл - Нұрмағанбеттің кәсіпқой бокстағы жетінші жеңісі. Уилердің екінші жеңілісі.

Сондай-ақ, Әбілхан Аманқұл кәсіпқой рингтегі дебютінде нокаутпен жеңді. 24 жастағы Аманқұлдың қарсыласы - америкалық Девонте Макдональд. Орта салмақтағы жекпе-жек төрт раундқа есептелгенімен, үшінші кезеңде Аманқұлдың жеңісімен аяқталды. Ол да қарысласын нокаутқа түсірді. Аманқұл – 2017 жылғы әлем чемпионатының күміс жүлдегері, 2018 жылғы Азия ойындарының күміс жүлдегері және 2019 жылғы Азия чемпионатының қола жүлдегері.