×
460.95
487.18
8.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
460.95
487.18
8.66

QazaqGaz басшысы «газдың қазіргі бағасы оны өндіруші компанияларды ынталандырмайтынын» мәлімдеді

06.06.2022, 11:31
Фото: Ашық дереккөзден

Ұлттық компанияның басқарма төрағасы Санжар Жаркешов бұл туралы мәжілістегі үкімет сағатында айтты, деп хабарлайды Ulysmedia.kz порталы

«QazaqGaz алдағы уақытта газды өңдеу саласындағы жұмысын арттырады. Мұнай өңдеу зауыттарының қуаттылығын солай пайдаланғымыз келеді. Сонымен қатар ресуртық базаны кеңейту мақсатында ұлттық оператор мүдделі мемлекеттік органдармен бірге ынлатандыру шараларын ұсынып отыр. Жер қойнауын пайдаланушыларға фискалды жеңілдіктер дегендей. Қарапайым сөзбен айтқанда, жер қойнауын пайдаланушылар былай дейді: «бізге жақсы баға берсең – газ болады» дейді. Себебі қазіргі газдың бағасы газ өндірісін ынталандырмайды. Ешкім газды артық өндіргісі келмейді», - деді Санжар Жаркешов.

Оның айтуына қарағанда, ішкі нарықтағы газдың арзан әрі «шығынға батыратын» бағасы оны белгілеуде әлеуметтік әділ бағаны қалыптастыру үшін заңнамаға кешенді ұсыныстарды енгізуге мәжбүрлеген.

 

Өз кезегінде энергетика министрі газдың рөлі әлемдік экономикада да, отандық экономикада да артып келе жатқанын атап өтті.

«Қазір кеңінен қолданылып жатыр. Ел ішінде газ тұтыну да тұрақты өсуде – 2017 жылдан бастап 2021 жылға дейін тұтыну 4,8 млрд текше метрге 13,8-ден 18,6 млрд текше метрге дейін өсті. Газ тұтыну өсімі жыл сайын шамамен 35% немесе орта есеппен 7% құрады», - деді ол.

Сонымен қатар, газ саласын дамытудың негізгі тежеуші факторы бағаны тежеу саясаты болып табылады, осыған байланысты 2025 жылға қарай отандық газдың тапшылығы және импорттық ресурстарға тәуелділік болуы мүмкін, деп мәлімдеді министр.

«Таяу болашақта тауарлық газдың негізгі өндірушілері Қашаған, Қарашығанақ, Теңіз-Шевройл болып қалады, оларға тауарлық газ ресурстарының жалпы көлемінің 64% - ы тиесілі болады», - деп түйіндеді ол.