×
472.17
495.5
7.57
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.17
495.5
7.57

Мас күйде көлік айдаған мәслихат депутатының өкілеттігі тоқтатылды

09.06.2022, 10:02
фото: ашық дереккөзден

Ақтөбе қалалық мәслихатының депутаты Ербол Қасымғали көлікті мас күйде айдап, 15 тәулікке әкімшілік қамауға алынған соң мандатын өткізді, деп хабарлайды Ulysmedia.kz "Диапазон" басылымына сілтеме жасап.

Басылымның жазуынша, мамыр айының соңында депутаттың Mercedes көлігін полиция қызметкерлері тоқтатқан. Медициналық тексеру кезінде халық халаулысының рөлге мас күйде отырғаны анықталған. Содан кейін іс сотқа жіберілген.

Дегенмен депутат көлікті мас күйде айдағанын мойындамай, сараптама нәтижесімен келіспейтінін айтқан. Сөзінше, оған тексеруден қайтадан өтуге құқылы екенін ешкім түсіндірмеген.

Алайда сот депутатты әкімшілік құқықбұзушылық жасағаны үшін кінәлі деп таныған. Атап айтқанда оның көлікті мас күйде басқарғаны дәлелденген. Нәтижесінде Ербол Қасымғалиді жүргізуші куәлігінен 7 жылға айырып, 15 тәулікке әкімшілік қамауға алу жазасы тағайындалды. Анықталғандай, болған жайттан кейін Қасымғали депутаттық мандатын тапсырған.

"Ербол Қасымғалидің депутаттық өкілеттігі тоқтатылды", - деп хабарлады аумақтық сайлау комиссиясы журналистерге.

Ербол Қасымғали 2021 жылғы 14 қаңтардан бастап Ақтөбе қалалық мәслихатының депутаты. Сондай-ақ, ол 2019 жылдан бері "Oil Geo Construction" ЖШС компаниясының бас директоры қызметін атқарады.