×
470.9
496.94
8.83
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
470.9
496.94
8.83

Банктер 4% автонесие бойынша өтініш қабылдауды тоқтатты

09.06.2022, 13:12
Фото: Ашық дереккөзден

Өтініш саны бағдарламаға бөлінген 100 млрд теңге лимитінен асып кетуіне байланысты банктер өтініш қабылдауды тоқтатты. Бұл туралы Сенаттың кулуарында Индустрия және инфрақұрылымдық даму министрі Қайырбек Өскенбаев мәлім етті, деп хабарлайды Ulysmedia.kz.

«Бөлінген қаражаттың лимитінен асып кетуіне байланысты банктер қазақстандықтардың жеңілдетілген автонесие алуға өтініштерін қабылдауды тоқтатты. Автонесиелеуге 100 млрд теңгедей қаржы бөлінді. 20 мыңнан астам өтініш түсті. Бұл өтініштердің 10 мыңға жуығы банктерден өтті. Бүгінгі таңда 2 895 көлік сатып алынды. Біз шамамен 15-16 мың көлік сатып алуға 100 миллиард теңге жетеді деп ойладық», - деді министр.

Министрдің айтуынша, бүгінгі таңда банктер 73 млрд теңгеге 10 мыңға жуық өтінімді мақұлдаған.

«1-2 айдан кейін несиеге берілген ақша қайта орала бастайды. Яғни көлік алғандардың төлемі түсе бастайды. Осы жиналған төлемдерге қайтадан несие беріледі. Яғни бұл айналып отыратын бағдарлама. 100 млрд теңгеден басқа қаражат бөлінбейді, қазіргі таңда осы ақшамен шектеліп отырмыз, - деп айтты ИИДМ басшысы.

Қазақстанда мамыр айында жылдық 4 пайызбен жеңілдетілген автонесие бағдарламасы іске қосылған болатын.