×
470.9
496.94
8.83
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
470.9
496.94
8.83

Көлсайға бару құны қанша?

12.06.2022, 09:24
ашық дереккөзден

Жаз мезгілі басталғалы Көлсай мен Қайыңдыға турист ағылып жатыр.Қонақ үйлердің иелері мен туроператорлардың айтуынша биыл шетелдіктер көп. Бұл туралы Ulysmedia.kz қоғам белсендісі, саяхатшы Алмас Маратұлына сілтеме жасап хабарлайды.

“Жалпы Көлсайға барып демалу үшін қалтаңызда неше теңге болу керек? Көлсайға баратын жолда Саты деген ауыл бар. Бұл ауыл Қазақстандағы ең көп қонақ күтетін үйлері (gest house) бар ауыл. Бір мезетте 2500-ге жуық туристке төсек орын тауып бере алады.

Көлсайда gest houseтерден бастап, қонақ үйлерге (hotel) дейін бар. Gest houseтердің құны 6000 теңгеден бастап 11000 теңгеге дейін, ал отельдер 12000 теңгеден басталып 45000-ге жетеді. Бұл сомманың ішіне жатын орын, таңғы ас кіреді. Кейбір қонақ күтетін үйлерде 2-3 мезгілдік тамақ бар. 

Ұлттық паркке кіру үшін экологиялық постқа, ересек адамға 809 теңге төлейсіз. 

Қайыңдыға бару үшін арнайы жол талғамайтын көлік керек. Егер көлігіңізді аясаңыз ауылда Уаз автокөліктері бар. Адам басына Қайыңдыға көтеріліп түсу үшін 2000 теңге бересіз. 

Көлсайда мейрамханаларда бар. 3000-7000 теңгеге қарындарыңызды тойдыра аласыздар. Маған «Таушелек» деген отельдегі кафе ұнады. 

Сосын егер тамақ ішетін жер іздеуге ерінсеңіз, егер қонатын үйден қадалғыңыз келмесе, ауылдан Қайыңдыға баратын такси іздеп әуреленгіңіз келмесе, туроператорларға жүгінсеңіз болады”, – дейді ол. 

Жетісу жерінің сұлу төрі саналатын Райымбек ауданының мерейі мен мәртебесін асырып отырған көркем келбетті жер жетерлік. Мәселен, алыс-жақын шетелдердің қызығушылығын туғызып отырған мекеннің бірі – Көлсай. Көлсай көлдері – Күнгей Алатауының Күрметі және Саты асуларынан бастау алатын кішігірім өзендер суынан пайда болған 3 көл.