×
460.95
487.18
8.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
460.95
487.18
8.66

Назарбаев небары 7,7% дауыс жинаған: Талғарлықтар өз әкімін сайлады

13.06.2022, 09:56
фото: ашық дереккөзден

Талғар қаласының әкімі болып 47,71% дауыс жинаған Бақыт Қуатбекұлы Күрішбеков сайланды, деп хабарлайды Ulysmedia.kz.

Талғар аудандық сайлау комиссиясының дерегінше, сайлаушылардың 23,77%-і сайлауда дауыс берген.

Талғар қаласы әкімінің лауазымына 4 үміткер бақталасты.

Бақытжан Рақымұлы Ақботаев сайлау қорытындысы бойынша 23,63% дауысқа ие болды, Нұрбек Бақытқанұлы Даулетбақовты халықтың 17,84%-і қолдаған. Сапарбек Мұхтарұлы Назарбаев 7,70% дауыс жинады.

218 сайлаушы бәріне қарсы дауыс берген. Ал бүлінген және дұрыс қолданылмаған бланк саны – 93.

Бақыт Күрішбеков Талғар қаласында дүниеге келген. 32 жаста. Мамандығы – экономист.

Сайлауға дейін AMANAT партиясы Талғар аудандық филиалының атқарушы хатшысы болып қызмет атқарған.