×
465.38
483.58
7.69
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
465.38
483.58
7.69

Қазақстанның алтын қоры көбейді

13.06.2022, 12:32
фото: ашық дереккөзден

Қазақстан 373 тоннадан астам алтын жинады, деп хабарлайды Ulysmedia.kz Дүниежүзілік алтын кеңесіне сілтеме жасап.

Кеңес мәліметінше, 2022 жылғы 1 маусымдағы жағдай бойынша еліміздегі алтын көлемі 373,4 тоннаны құрады.

Қазақстан алтын қоры жөнінен әлемде 14-ші орында (ХВҚ мен ЕОБ-ты қоспағанда) және Португалия (382,6 тонна) мен Өзбекстан (346,2 тонна) арасында орналасқан. Ресейде бағалы металл көлемі шамамен 2,3 мың тонна болса, Қытай 1,9 мың тонна алтын жинаған.

Әлем бойынша көшбасшы орында тұрған АҚШ-та – 8,1 мың тонна алтын болса, Германия – 3,3 мың тонна және Италия – 2,4 мың тонна бағалы металл жинаған.

13 маусымда Comex биржасында алтын троя унциясы үшін 1867 доллардан саудалануда. Ал LBMA-да бағалы металл 10 маусымда 1830 доллардан сатылды. Ұлттық Банктің сайтында 1 грамм бағалы металл 25,8 мың теңгеге бағаланған.