×
476.71
467.03
8.36
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.71
467.03
8.36

Шымкентте заңсыз алкоголь өндіретін цех астыртын жұмыс істеп келген

14.06.2022, 11:55
фото: ашық дереккөзден

Қаржылық мониторинг агенттігінің Шымкент қаласы бойынша аумақтық департаменті жалған есепке алу-бақылау маркаларын пайдаланып, контрафактілік алкоголь өнімін өндіретін астыртын цех қызметінің жолын кесті, деп хабарлайды ведомствоның баспасөз қызметі.

«Тінту кезінде жалпы саны 3 мың бөтелкеге жуық «Родная степь», «Русская на бруньках», «Тау эксклюзив» контрафактілік алкогольдік өнімдері табылып, тәркіленді. Сондай-ақ 1 мың литр алкоголь, алкогольдік өнімдер өндіруге арналған аппарат, контрафактілік есепке алу-бақылау маркалары, 20 мыңнан астам бос бөтелке табылып, тәркіленді», – делінген агенттік хабарламасында.

Сот үкімімен ұсталған азамат қылмыс жасағаны үшін кінәлі деп танылып, оған 1 531 500 теңге айыппұл салынды. Тәркіленген контрафактілік алкоголь өнімі жойылады.