«МАЭК» ЖШС-нің бірнеше қызметкері осыған дейін президентке шағымдарымен бейне үндеу жариялаған әріптестерінің сөзін жоққа шығарып, бейнеүндеу жариялады. Бұл туралы Ulysmedia.kz хабарлайды.
МАЭК-тің ең ірі бөлімшелерінің бірінің қызметкерлері бұған дейінгі үндеулерге қатысушылар таратқан ақпарат шындыққа жанаспайды деп мәлімдеді.
«Бейнежазбалар жөндеу жұмыстарының жүргізілуіне қатысты тексерілмеген және сенімсіз ақпараттарға жол береді, сонымен қатар жөндеу зауыты жұмысшыларының кәсіби сапасына әсер етеді. Кәсіпорын жұмысшылары зауыттың тұрақты қызметін қамтамасыз ету үшін қолдан келгеннің бәрін жасауда.
Қолданыстағы техниканың тозуына байланысты төтенше жағдайлар орын алып, олар тез арада жойылатыны жасырын емес. Зауыт әкімшілігі облыс әкімдігімен бірлесе отырып, зауыт жұмысын қаржыландырып, қолдау көрсету үшін нақты шаралар қабылдап жатыр.
Әлеуметтік желіде тараған сенімсіз ақпарат моральдық ахуал туғызып, энергетикалық кешеннің жұмысына кері әсерін тигізеді», - дейді «МАЭК» ЖШС жөндеу зауыты бас инженерінің орынбасары Қалижан Қабдулов.
Қызметкерлер электр станциясының басшылығы кәсіподақ өкілдері мен қызметкерлердің қатысуымен тұрақты түрде кездесулер өткізетінін, онда еңбек жағдайлары мен еңбекті қорғауды жақсарту мәселелері талқыланатынын атап өтті.
Электр стансасындағы қызметкерлердің проблемалық және әлеуметтік маңызы бар мәселелерін қарау және шешу үшін Қоғамдық кеңес те құрылып, отырысы ай сайын өткізіледі.
Кәсіпорын басшылығы апта сайын азаматтар мен қызметкерлерді қабылдауды жүргізеді. Telegram чаты ашылды, онда қызметкерлер өз пікірлерін білдіре алады және айта алады, сұрақтар қойып, ұсыныстар жасай алады.
Бүгінгі таңда «МАЭК» ЖШС 3627 адамды жұмыспен қамтып отыр. Персоналдың біліктілігі мен білімінің жеткілікті деңгейі бар, бұл зауыт объектілерінің өндірістік жабдықтарына қажетті жөндеу жұмыстарын сенімді және ақаусыз жүргізуге мүмкіндік береді.
Ұжым қызметкерлері облыстың тыныс-тіршілігін қамтамасыз етіп отырған кәсіпорынның қалыпты жұмыс істеп, ұжымдағы моральдық-психологиялық ахуал тұрақты болуы керектігін атап өтті.
Бүгінгі күні МАЭК-те «МАЭК-Қазатомөнеркәсіп» жергілікті кәсіподақ» ҮЕҰ және «Ынтымақ» бастауыш кәсіподақ ұйымы жұмыс істейді, олардың кейбір қатысушылары бірнеше бейне хабарламалардың авторлары болды.
МАЭК жұмысшыларының орташа жалақысы 271 000 теңгені құрайды. 2022 жылдың наурыз айында өндірістік қызметкерлердің жалақысы 30%-ға (зауыт басқармасының басшылары мен қызметкерлерін қоспағанда) ұлғайтылды, мемлекеттік және кәсіптік қызметкерлерге бір лауазымдық жалақы мөлшерінде сауықтыру жәрдемақысы мен үстемеақы төлеу мәселесі қарастырылды. мереке күндері 10 және 25 АЕК көлемінде ақы төлеу шешілді.
2022 жылдың желтоқсан айынан бастап кәсіпорын басшылығы кәсіподақ өкілдері мен қызметкерлердің қатысуымен тұрақты негізде кеңестер өткізіп, онда еңбек жағдайлары мен еңбекті қорғауды жақсарту мәселелері талқыланады.
Сонымен, кездесулердің қорытындысы бойынша жетілдіру бағытында келесі мәселелер қолға алынды:
- 2023 жылдың 1 ақпанынан бастап аз жалақы алатын 540 жұмысшының жалақысы 35%-ға өсті.
- ызметкер қайтыс болған жағдайда біржолғы материалдық көмектің мөлшері 100 АЕК-ке, ал қызметкердің отбасы мүшелеріне 30 АЕК-ке дейін ұлғайтылды;
- бастапқы некеге тұру үшін 30 АЕК мөлшерінде біржолғы жәрдемақы төлеу енгізілді;
- энергетик күніне сыйлықақы мөлшері 50 АЕК-ке дейін ұлғайтылды;
- Қазақстан Республикасының күніне 25 АЕК мөлшерінде сыйлықақы төлеу енгізілді.
Еске салайық, 15 сәуірде Маңғыстау атом электр станциясының бірнеше ондаған жұмысшысы президент Қасым-Жомарт Тоқаевқа видеоүндеу жолдаған болатын. Олар кәсіпорын басшылығын өзгертуді, еңбек жағдайын жақсартуды талап етті. Олардың айтуынша, жағдай «екінші Екібастұздың» алдында тұр.
МАЭК жұмысшылары шамамен 160 мың теңге алса, кәсіпорын басшылығы 1,5 миллион теңге алатыны белгілі болды.
Сәуірдің 17-сі күні МАЭК-те апат болып, ақтаулықтар жарық пен сусыз қалды.
